5 қазан күні Тамаша мереке-Мұғалімдер күніне арналған концерттік бағдарлама өтті. Концерт бағдарламасы барысында оқушылар тек мектебіміздің  қазіргі ұстаздарын ғана емес, зейнеткер ұстаздарды да құттықтап атап өтті.

       Біздің мектепке жаңа оқу жылы жұмыс істеуге келген жаңа мұғалімдерді де атап өту ұмытылған жоқ. Оларға әзіл анттар беріліп, музыкалық нөмір арналды.

       Бұл-әр мұғалім үшін ерекше күн болды. Мектепте өзін-өзі басқару күндері ұйымдастырылды, яғни оқушылар-мұғалім рөлінде, мұғалімдер-оқушы болып көрді. Мұғалімдер балалық  шаққа саяхат жасап, оқушы болса, 11-сынып оқушылары үлкен жауапкершілікті өз мойындарына ала отырып, өз арттарынан ерген кіші сыныптарға мұғалімдерден кем емес сабақ беруге тырысты. Осы жылғы мектеп түлектері екі апта бұрын жиналып, мектеп басшыларын, мұғалімдерді сайлап, сынып жетекшілерін тағайындады. Нәтижесінде, мектебіміздің аса қадірлі директоры  Нуркишева Тілеухор Токтаровнанынң  орнын 11 сынып оқушысы Раисов Азамат алмастырды. Ал оқу істерінің меңгерушілері мектептің белсенді оқушылары болды.