Оқу процесіне өзгерістердің қаншалықты қажет екендігі туралы өз көзқарастарын білдіру және сыни тұрғыдан ойлана отырып, салыстырмалы түрде өзіндік пікірлері мен идеяларын ортаға салу мақсатында бүгін «Қазіргі заман мұғалімі» деген тақырыпта коучинг өтті. Әр түрлі гүлдердің суреттерін таратып беру арқылы мұғалімдер үш топқа бөлінеді:

Әр бір топ өз аттарын таңдап, сол аттарға байланысты өз пікірлерін, идеяларын олртаға салып, топ ережесін құрып, өз мақсаттарын айтып өтті. Топқа бөлу, топ аттарын таңдау өте қызықты болды. Мұғалімдер, әсіресе, жас мамандар коучинг барысы бойы қызығушылық танытып іске шын ықыластарымен кірісіп кетті. Инновациялық сабақ бойынша бейне ролик көрсету арқылы, «XXI ғасыр мұғалімі қандай болу керек?» деген сұрақ қойылды. Осы сұраққа жауап ретінде әрбір топ өз ойларын постерге түсіріп, өз топтарын қорғап шықты. Мұғалімдер бір-бірімен пікір алмасып, өз ойларын ортаға салып, пікірлерін ашық емін-еркін айтып қызу жұмыс үстінде болды.