Қарағанды қаласының білім бөлімінің қолдауымен  жалпы білім беретін №77 мектеп-балабақша кешенінің ұжымы  16 желтоқсан Тәуелсіздік мерекесіне орай  «Болашаққа бағдар: рухани жаңғыру» бағдарламасы аясында  қалалық кадет сыныптары арасында  «Елімнің бақытын тербеткен Тәуелсіздік»  атты интеллектуалдық турнир ұйымдастырып өткізді.   Интеллектуалдық турнирге  №77, №4 мектеп –интернат,  №21, 91, 58 мектеп командалары қатысты.  Интеллектуалдық турнир  әнұранмен басталып,  мектеп директоры  Жантыбаева Зайра Рахметаллиновна  құттықтау алғы сөзін жолдады.  Интеллектуалдық турнир  «Таныстыру», «Тәуелсіздік шежіресі», «Тәуелсіздікті жырлаймын», «Жасай бер, жаса елім менің!»  кезеңдері бойынша оқушылар  танымдық   сұрақтарға жауап бере отырып, ән байқауы мен мәнерлеп оқудан өз өнерлерін көрсетті.

Интеллектуалдық  турнирге  қатысушылар  өте  жоғарғы  дайындықпен белсенді қатыса білді.  Сайыстың  қорытындысы  шығарылып,  топтар марапатталды.  Номинациялар  бойынша  алғыс хаттар берілді.

Бұл кештің қатысушы мектептер мен ұстаздар үшін  тәрбиелік мәні жоғары танымдық кеш болды! Кешке қатысушы мектеп оқушылары мен ұстаздары өз  алғыстарын білдірді.