6.12.2017 күні ЖББ №77 мектеп-балабақша кешенінде мектеп кітапханасының ұйымдастыруымен қазақ тілін дамыту бағытында  латын әліпбиі «Жаңғыру – жазудан басталады» атты көрме ұйымдастырылды. Көрмеге латын әліпбиіне байланысты бұқаралық ақпарат құралдарының материалдары, латын әліпбиінің төңірегінде айтылған тіл мамандары мен мемлекет және қоғам қайраткерлерінің ғылыми еңбектері қойылды. Көрме аясында, қазақ тілі мен әдебиеті пәні мұғалімі Райхан Қайыпқызы оқушылар арасында аталмыш шараға байланысты пікірталас жүргізіп, оқушылардың толғандырған сұрақтарына жауап берді. Көрменің мақсаты: мектеп оқушыларын латын әліпбиіне көшу үдерісімен таныстыра отырып, соңғы ақпараттарды ортаға салып талқылау. Пікірталаста ел мүддесі үшін жасалған жаңалықты қолдау – жүрегі «елім» деп соққан әрбір қазақстандықтың абыройлы міндеті және  латын әліпбиіне көшу ұлтымыз үшін жасалған маңызды қадамдардың бірі екендігі жөнінде баса айтылды.