2017 жылдың 2 желтоқсанында  «Талантты және дарынды балаларды оқыту» тақырыбында коучинг өтті. Коучингтің  мақсаты талантты және дарынды оқушыларды анықтап, оларды дамытудың жолдарын қарастыру болды.

Оқытушылар «Талант», «Дарын», «Қабілет» топтарына бөлініп, топ атауына сипаттама , мінездеме берді.  Әр топ ертегі,жұмбақ,өлең құрастырып, мазмұнын сомдау арқылы қабілеттерін байқатты. «Менің атым Қожа», «Дарынды оқушылар» видеороликтері көрсетіліп, слайд арқылы дарынды балаларды оқытудың тиімді тәсілдері талданды.

Жұмыс барысында лупа, топтастыру, талдау әдістері арқылы топтық жұмыстар жасалып тақырып пысықталды.

Коучинг соңында «Көзіңмен не көрдің?» «Құлағыңмен не естідің?» «Жүрегіңмен не естідің?» кері байланысы жасалды. Ұстаздар әр оқушының қабілетін дер кезінде байқап, дарындылығын дамытып, талантын шыңдау керек деген қорытындыға келді.