2017 жылдың 21-23 қыркүйегі аралығында Орал қаласында «Рухани Жаңғыру» бағдарламасы аясында жас эколог-өлкетанушылар мен натуралистердің республикалық форумы болып өтті. Аталған форумға Қарағанды облысының 9 оқушыдан тұратын командасы қатысып, I және III дәрежелі дипломдармен марапатталып, сертификаттар иеленіп, ұстаздары мен ата-аналарын зор қуанышқа бөледі. Аталған форумға біздің мектебіміздің 8-Ә сынып оқушылары Адилбаева Аружан мен Айтқалиева Анель де қатысты. Қарағанды облысы командасын дайындаған «Сарыарқа  дарыны»  аймақтық  ғылыми-практикалық орталығы №77 мектеп-балабақша кешені базасында осыған орай пресс-конференция ұйымдастырды.