Қарағанды қаласының білім бөлімінің жылдық жоспары бойынша №77 мектеп-балабақша кешенінде қала мектептерінің 5-сыныптарында оқитын кадет тәрбиеленушілері арасында әскери –дала жиыны өтті. Әскери дала жиыны барысында тәрбиеленушілер мергендік атыс өнері, жарақаттанған адамға алғашқы көмек көрсету, противогазбен жүгіру, қашықтыққа граната лақтыру, құзда жылдам өрмелеу, 1000 м. қашықтыққа жүгіру және дене шынықтыру дайындықтарын сараптайтын жаттығу түрлерін орындады. Әділқазылар алқасының құрамы №5451 әскери бөлім қызметкерлерінен болды. Шараны өткізуге «Астана» өңірлік әскери қолбасшылығы зор қолдау көрсетті. №31375 әскери бөлімінің әскери үрмелі оркестрі әскери марштарды орындап, қатысушыларға көтеріңкі көңіл күй сыйлады. Сайысқа №77 МББК-інің, №№35; 58; 91 мектептердің кадет тәрбиеленушілері қатысты.
Сайыс қорытындысы бойынша жарыстың барлық кезеңдерінен 22 ұпай жинаған №77 МББК-інің Ұлттық Ұландар тәрбиеленушілері 1 орын, 21 ұпай жинаған №58 орта мектептің кадет тәрбиешіленулері 2 орын, №91 негізгі мектеп тәрбиеленушілері 3 орын иеленді.
Contacts
