Бүгін 2016 жылдың 6 мамыр күні №77 мектеп-балабақша кешенінде кәмелетке толмағандар арасындағы құқық бұзушылықтың алдын алуға байланысты  №17,35,36 орта мектептері, №68 мектеп-интернаты оқушыларының қатысуымен   құқықтық  білім беру дәрісі өткізілді.

Аталған шараға Жаңа –Майқұдық полиция бөлімінің  полиция подполковнигі  Қожабеков Ерғали Наурызбаевич және мектеп инспекторы Боранбаев Мирлан Бекболатович қатысты. Оқушыларға әкімшілік құқық бұзушылықтар жайлы мағлұмат беріп, балалардың бос уақыттарының ұйымдастырылуы және жазғы каникул уақытында қауыпсіздік ережелерді  сақтау  жайлы баса айта кетті.

Тәрбие ісі жөніндегі директордың орынбасары Мусина Гульмира Балтабековна ситуациалық ойындар арқылы оқушылардың  құқықтық білімдерін көтерді.

Әлеуметтік педагог Садыкова Айгуль Бекторовна жетекшілік жасаған мектептің  полицияның жас көмекшілері «Қырандар»  үгіт насихат тобы бала құқтары жайлы өз қойылымдарын көрсетті.

Мектептің педагог-психологтары Тулеубекова  Анна Ахтаевна, Алибекова Толқын Коскешовна «қол алысу» жаттығуымен, видеоролик көрсету арқылы рефлексия жасап, іс-шараны аяқтады.

Іс шараның соңында ситуациалық ойын жеңімпазы мен қатысушыларға алғыс хаттар табыс етілді. Құқықтық білім беру дәрісіне 89 оқушы қатысты.