Бүгін, 22 сәуірде «Қауіпсіз  ғаламтор» атты Республикалық  ақпараттық онкүндік аясындаЖББ  №77 мектеп-балабақша кешенінде  «Ғаламторсыз  бір  күн» акциясы өтті.

Акция Ұраны: «Біз  қауіпсіз ғаламторды  қалаймыз»

Акцияға  қатысушылар: 1-11 сынып оқушылары, ұстаздар, ата-аналар

Акцияның мақсаты:жасөспірімдер мен ата-аналарға, педагогтарға агрессивті  ғаламтор  тудыратын проблемалар, одан қорғану жайлы ақпараттар беру, ғаламтор ресурстарын пайдалану мәдениетін  жетілдіру  және жасөспірімдерге қатысты  ғаламтор  қызметін пайдалануда ата-аналар бақылауын күшейту.

Акция өткізілетін орындар:  мектептің  1,2,3 қабаттары, мектеп алдындағы бас алаң.

Дайындық  кезеңі:

1.    Жоғары сынып оқушылары арасынан волонтерлерді анықтау.

2.    Волонтерлердің 4 тобын дайындау.

3.    2016 жылдың 22 сәуір күні өтетін акция жоспарын құру, талдау, бекіту.

4.    Акцияға қатысушыларға арналған сауалнамалар дайындау.

5.    Акцияға қатысушыларға  өткізілетін шара жайлы ақпараттар беру.

6.    Волонтерлердің  сырт бейнесі, эмблемасын талқылау.

Негізгі  бөлім.

1.    Волонтерлер арқылы ақпараттарды тарату.

2.    1 қабатты безендіру: тақырыптық  буклеттер, суреттер  көрмесі, ақпараттық стенд

3.    Акцияға  қатысушылар  үшін бейнефильмдер, презентациялар көрсетілімін ұйымдастыру.

4.    Мектептің  медициналық  қызметкерлерінің  кеңестері  (1 қабат)

5.    Мектептің  педагог-психолог  мамандарының  кеңесі  (1 қабат)

6.    Пресс-орталықтың  жұмысы (212 кабинет)

7.    «Ғаламторды өшіріп, қолыңа  кітап ал» тақырыбында 3 қабатты безендіру.

8.    «Бұрымды сәндеп  өруді үйренеміз»  атты шеберлік сыныбы (хореография залы)

Акцияға қатысушыларға қойылатын басты талаптар:

Акция өтіп жатқан уақытта (оқу күні бойы) барлық қатысушылардың ұялы телефондардыпайдалануларына, наушникте музыка тыңдауларына, ғаламторға  шығуларына  ТЫЙЫМ  салынады. Акцияға қатысушылар өздерімен ұялы телефондарды ұстауларына болады, тек ол «үнсіз» режимде болуы қажет. Аталған талаптарды орындамаған акцияға қатысушылар өз сыныптарына төмен баға әкеледі. Ал,белсенді түрде қатысып, талаптарды мүлтіксіз орындаған оқушылар сыныптарына жоғары баға әкеледі. Акцияға қатысты барлық ақпараттар мектептің 1 қабатындағы экранда көрсетіліп тұрады. Акция қорытындысы 2016 жылдың 23 сәуір күні шығарылады.

Күтілетін нәтиже:

Бағдарламаның жүзеге асырылуы нәтижесінде балалар мен ата-аналардың, педагогтардың  ғаламторды қауіпсіздендіре білу принциптері  жайлы білім-біліктіктері жетілдіріледі.Ғаламтор желісінде  мәдениетті әрі  жауапкершілікке  бағытталған қарым-қатынас жасай білу дағдылары қалыптастырылып, тәрбиеленеді.