Ақпан айының 5-і мен 13-і аралығында гуманитарлық пәндер /қазақ тілі менәдебиеті, тарих/ бірлестігінің апталығы өтті. Апталықта 2 ашық сабақ, 2 танымдық ойын түріндегі сыныптан тыс шара және Мұқағалидің 85 жылдық мерейтойына арналған «Мұқағали – мәңгілік ғұмыр» атты әдеби-сазды кеш өтті.

Жаманкулова Айгерым Жанжумановна ақпанның 12-сі күні 10-сыныпта Адам.Қоғам.Құқық пәні бойынша «Тұлғаның адамгершілік негіздері» тақырыбында ашық сабақ өткізді. Сабақ философиялық көзқарасқа негізделген. Сабақтың негізгі мақсаты - оқушылардың адамгершілік туралы білімдерін тереңдету, жеке тұлғаның жан-жақты дамып, қалыптасуының алғышарттарын ұғындыру арқылы оқушыларға өзін-өзі дамытуға мүмкіндік беру. Сабақ барысында көптеген мәселелер қарастырылды.

Құйқалақова Балжан Қайыржанқызыақпанның 13-і күні 5 «ә» сыныбында әдебиет пәнінен С.Мұқановтың «Лашын» әңгімесі бойынша ашық сабақ өткізді. Сабақтың негізгі мақсаты -  оқушыларға қазақ әдебиетінің ірі тұлғаларының бірі С.Мұқановтың өмірі мен шығармашылығын таныта отырып, қазақтың саятшылық өнері жайлы ой-пікірін, ұлттық дәстүрді насихаттау және адамгершілікке баулу, қазақтың ұлттық құсбегілік өнерін дәріптеу.

Қанафина Мөлдір Мұхамедкаримовна 6-сыныптар арасында «ХХІ ғасыр көшбасшысы» интеллектуалдық ойын түріндегі сыныптан тыс шара өткізді.

Бұл білім сайысының мақсаты алтыншы  сынып оқушыларының білім деңгейін жетілдіру, дамыту. Оқулықтан тыс ақпараттармен оқушыларды қаруландыру. Жарысуға, жарыста жеңімпаз болуға ұмтылысын дамыту. Білімді, дарынды, озық болуға тәрбиелеу. Сайыс «Бәйге», «Дода», «Қызықты тоғыздық», «Жорға» сияқты төрт кезеңді қамтыды.