№77 мектеп-балабақша кешенінде сыныптардағы үгіт-насихат топ мүшелерінің  күшімен  5-11 сыныптарда «Елбасының  «Тәуелсіздік  толғауы»  еңбегі-идеялар тоғысы» атты саяси хабар өтті. 5-7 сыныптарда «Менің көңілімдегі үй» яғни,  адамгершілік санаттардан құрылған үй  салынды.  Үйдің «іргетасы», «қабырғасы», «шатыры» ретінде ар, намыс, құқық, патриотизм,  достық, махаббат және т.б. сөздер жазылған қағаз кесінділері алынды. Соңынан өздері салған үйді талқылады, көрсетілген сөздердің мағынасы, қалай түсінетіндіктері жайлы өз пікірлерімен бөлісті.

   8-11 сыныптарға  17 қаңтар 2014 жылғы Президент  Жолдауында  азаматтық туралы берілген анықтаманы тексеру мүмкіндігі берілді. Оқушыларға құжаттың осы бөлігінен қазақстандық мемлекеттілік, яғни біздің құқықтарымыз бен еркіндігіміз туралы дәлелдерді таңдап алу ұсынылды.