№77 мектеп-балабақша кешенінде 2015 жылдың 29 қазанында Қамқоршылар күніне арналған кездесу  "Мейірімді жүрек" тақырыбында өтті.

Кездесудің  мақсаты: ата–анасының қамқорлығынсыз қалған балаларды тәрбиелеу міндеті жүктелген  қамқоршыларды қолдау, мәртебесін арттырып, оларға демеу көрсетуге негізделді.

Балаға жалпы жүрегімен, ата-анасының зор махабатымен дараланған бұл адамдар үлкен құрметке ие. Кездесуге  қамқоршылар , оқушылар, мектеп әкімшілігі қатысты. (Қатысқандар -12)

Мектептің педагог-психологы Тулеубекова А.А. сергіту сәтін «Мудрая притча три Я»  видеоролигімен бастап, "Өз-өзін сезіну"  тақырыбында  тренинг өткізді, жалғасы ойынға ұласты, қатысушылар бір-біріне жақсы тілектер жазып, жылы лебіздерін білдірді.

Мектеп әкімшілігі ата-аналарының қамқорлығынсыз қалған балаларға қамқоршы болып жүрген ата-аналарды мерекелерімен құттықтап, осындай жауапты істі қолға алғандары үшін алғыс айтып, мықты денсаулық тіледі, мектеп директорының құрмет грамотасымен марапаттады және осы кездесу кешінен сыйлықтар табысталды. Қорғаншылар  Ольга Ивановна, Флорида Мухамедовна  сөз сөйлеп, өз ойларымен бөлісті, ұйымдастырушыларға, мектеп ұжымына алғыстарын білдірді. Кездесу соңы  концеттік бағдарламамен жалғасты.

5«б» сынып оқушысы Алюбаев Сұлтан «Қосбасар» күйін тарту етіп,      3«г» сынып оқушысы Понамаренко Елизаветаның орындауындағы                      Қ. Мерсалимовтың «Если все вокруг подружатся» әні көрермен көңілінен шығып, ерекше ықыласқа ие болды. Қамқоршылармен кездесу тиімді  және әсерлі өтті.