№77 мектеп-балабақша кешенінде 1 қазан Халықаралық қарттар күніне орай дәстүрлі іс-шаралар ұйымдастырылды. Мектеп оқушылары мен ұстаздар, ата-аналар «Ардагерлер арамызда» акциясы аясында Көгілдір тоғандар шағынауданында тұратын Ұлы Отан соғысы, тыл ардагерлерін үйлеріне барып құттықтап, дайындаған сыйлықтарын тапсырды. Сондай-ақ, мектеп оқушылары балалар мен жасөспірімдер Сарайымен бірге Тихоновкадағы қарттар үйіне қайырымдылық сапармен барып қайтты. Қарияларға ата-аналар мен ұстаздар дайындаған күнделікті тұрмысқа қажеттті гигиеналық  заттар, жабдықтар сыйға тартылды, ән-күйден шашу шашылды.

   Сол күні мектебіміздің ардагер ұстаздары мен зейнет жастағы шаруашылық қызметкерлерін ұжым атынан мектеп директоры З.Р.Жантыбаева құттықтады. Соңында кәсіподақ атынан сыйлықтар жасалды.

  Жас ұрпаққа әрқашан төзімділіктің, даналықтың үлгісі болып келе жатқан қарияларымызға зор денсаулық, ұзақ ғұмыр тілейміз.