1-30 сәуір аралығында өтіп жатқан «Назар аудар, бағдаршам!»  айлығы аясында Қарағанды облысының  ішкі істер департаменті   ұйымдастырған  «Сіздің жолаушыңыз- бала!»  атты автожорық   №77 мектеп-балабақша кешенінде  болды. 4-7 сынып оқушылары қатысқан іс-шарада жол қауіпсіздігін сақтау жайлы ақпараттар берілді. Арнайы жабдықталған автобуста балалар «Жолдас көмек беруге асығады»  атты аннимациялық оқу  фильмін  көріп, арнайы  мамандандырылған жасақтың  қарулы қылмыскерлерді ұстауға байланысты  жаттығуларын тамашалады. Балалар полиция автокөліктерімен танысты. Шара оқушылардың зор қызығушылықтарын тудырды.