Оқушылардың көктемгі каникулын қызықты өткізу мақсатында 6 сынып оқушылары 29 наурыз күні Қарағанды облыстық тарихи-өлкетану мұражайын саяхаттап қайтты. Мұражайдың экспозициясы 1800 ш.м. құрайтын 16 залдан тұрады екен. Оқушыларға әсіресе мұражайдағы  «Археология» залы, «Табиғат» залы, «Қарағанды көмір бассейнінің құрылуы» залы, «Ғарыш» залы қатты ұнады. Оқушылар мұражайдағы саяхаттың соңын,  жақында ашылған тропикалық құстардың көрмесімен аяқтады. Көрмеде оқушылар Оңтүстік Америка мен Бразилия, Панама, Африкада мекендейтін 22 түрлі қанатты тіршілік иелерін тамашалады. Көрме залына кірген әр адамды әртүрлі құстардың әдемі әуені мен балалардың риясыз күлкісі баурайды. Әр құстың әдемелігіне балалар ерекше сүйсінді. Айтпақшы қалың құстың ішінде бір маймыл болды. Ол жалғыздығына қарамай көрерменнің көбін өз маңына жинады. Небары бір жастағы аққолды  гибон сүйкімді қылығымен жиналғандарды сүйсіндірді. Қытайдан әкелінген бұл маймыл 25 жыл өмір сүреді екен. Оқушылар өте керемет әсер алып қайтты.