Қазақстан Республикасының Тәуелсіздігі күні қарсаңында  мектептің педагогикалық ұжымы мен қызметкерлері қатысқан салтанатты жиын өтті. Салтанатты жиын барысында тарих пәнінің мұғалімі Э.А.Ағаділова Тәуелсіздік жылдарындағы Қазақстанның саяси бағыты, жетістіктері жайлы баяндама оқыды. Сонымен бірге елеулі еңбектерімен дараланған педагогтар мен қызметкерлерге мектеп директорының алғыс хаттары тапсырылды. Салтанатты жиынның соңы мектептің кәсіподақ ұйымының ұйымдастыруымен Қали Байжанов атындағы филармония артистерінің мерекелік концертіне ұласты.