№77 мектеп-балабақша  кешенінде  Денсаулық  фестивалін  өткізу  жоспары талданып, бекітілді. Денсаулық фестивалінің сағат 10.00-де басталған ашылу салтанатына  1-11 сынып оқушылары  (барлығы- 1212 оқушы)  мен ата-аналар,  педагогтар мен мектеп қызметкерлері  (барлығы-294 адам)  қатысты. Фестивалдің ашылу салтанатын  ардагер ұстаздар мен спортта жетістіктері бар оқушылардан тұратын шеру ашты. Мемлекеттік әнұран орындалып, Қазақстанда 1999 жылдан бастап өткізіліп келе жатқан  денсаулық фестивалдерінің тарихы, маңызы жайлы ақпараттар берілді.  Таэквондо секциясына қатысатын оқушылардың қойылымы тамашаланып, әсем әндер орындалды. Ашылу салтанатының соңында фестивалға қатысушылардың барлығы кешенді жаттығуларды орындады.

Келесі кезекте оқушылар мен ата-аналар, ұстаздар спорт түрлерінен өткен сайыстарға қатысты. 4-сыныптарда «Әкем, шешем және мен, көрінейік мәреден», «Көңілді старт» сияқты сайыстар, 5-11 сыныптарда кростан жарыс, футбол, волейболдан, ұлттық ойындар түрлерінен жарыстар ұйымдастырылды. Жеңімпаз оқушылар мен сыныптар мектеп директорының мадақтау қағазымен марапатталды. Денсаулық фестивалі Қазақстандық отбасы күні қарсаңында өтіп отырғандықтан аталған  іс-шараларға  ата-аналар белсенді түрде қатысты.

    Денсаулық фестивалі  дұрыс тамақтануды насихаттау мақсатындағы  мерекелік жәрмеңкеге ұласты.