Қазақстан Республикасының Экология, геология және табиғи ресурстар министрлігі «Жасыл Қазақстан» және су ресурстарын басқаруға байланысты екі ұлттық жобаны қолға алды.

Мемлекет басшысы Қасым-Жомарт Тоқаевтың тапсырмасымен әзірленген «Жасыл Қазақстан» ұлттық жобасын іске асыру ауаның ластану деңгейі жоғары 10 қаланың жағдайын жақсартуға ықпал етеді.

«Жасыл Қазақстан» ұлттық жобасы 7 негізгі бөлімнен тұрады: су нысандарын сауықтыру,ауаның ластану деңгейін төмендету, қалдықтарды басқару, биоалуантүрліліктісақтау, елді көгалдандыру, энергия тиімділігі, экологиялық білім және экологиялық мәдениетті арттыру. Бұл Теміртау, Нұр-Сұлтан, Алматы, Ақтөбе, Атырау, Өскемен, Қарағанды, Балқаш, Жезқазған және Шымкент қалаларының экологиялық жағдайын жақсартуға мүмкіндік береді.

Осы өзекті проблеманы көтерген Қарағанды облысында білім беруді дамытудың оқу-әдістемелік орталығының ұсынысымен облыстың білім беру мекемелерінде 2021 жылдың 19-23 сәуірі аралығында  «Жасыл Қазақстан» экологиялық сауаттылық апталығы өткізілуде.Апталықты өткізудің мақсаты: экологиялық мәдениетті қалыптастыру, табиғатты және қоршаған ортаны аялау.

 Біздің Бауыржан Момышұлы атындағы мектеп-бөбекжай кешенінің оқушылары мен ұстаздары, ата-аналар аталған  апталыққа белсенді қатысуда.

Бүгін, 1-11 сыныптарда аталған апталықтың ашылу салтанаты ұйымдастырылып, оқушылар тақырыптық диктант жазды, экология тақырыбында фильмдер тамашалап, талдады. Сонымен біргеқоршаған ортаны қорғау және жердің табиғи ресурстарын дұрыс пайдалану маңыздылығы туралы пікір алмасты.