Жалпы білім беретін №77 мектеп-балабақша кешенінің 1-10 сыныптарында  онлайн режимде соңғы қоңырау салтанаты өтті.Аталған шарада оқу жылында  оқушылардың қол жеткізген табыстары жайлы айтылып, оқушыларға мектеп директорының алғыс хаттары тапсырылды.Шара барысында 4 тоқсанда жаңа білімді меңгеруде бұрын-соңды болмаған қиындықтар мен кедергілерді жеңіп, ұстаздардың берген онлайн тапсырмаларын  жоғары дәрежеде орындап, лайықты білім дәрежесін көрсеткендері  үшін сынып жетекшілері шәкірттеріне алғысын білдірді. Сонымен бірге онлайн режимінде ата-аналар жиналысы өткізіліп,  білім мен тәрбие беру ісіне зор қолдау көрсеткендері үшін ата-аналарға мектеп ұстаздары ризашылықтарын жеткізді. Жиналыста ата-аналар оқушылардың мектеп формасының үлгілерімен және балалардың жаз мезгілінде өмір қауіпсіздігін сақтау мәселелерімен танысты.Сондай-ақ, жазғы демалысты мазмұнды ұйымдастыру жайы талқыланды.