Жалпы білім беретін №77 мектеп-балабақша кешенінде «Өнегелі өмір» жобасы аясында Қазақстан Республикасының еңбек сіңірген әртісі, Мемлекеттік сыйлықтың лауреаты, драматург, режиссер, белгілі актер Жұмабеков Кеңес Нарымбайұлымен «Өнер тарланы» атты  әсерлі кездесу кеші өтті. Құрметті қонақтың өмір жолы мен өнердегі жолына байланысты сауалдар қойылды.  Тағылымы зор сұхбаттан оқушылар үлкен әсерге бөленіп, өнегелі өмірден үлгі алды деуге болады. Сонымен қатар, мектебіміздің  «Ұшқын» театры дайындаған «Найман-Ана» қойылымы, «Жайдарман» клубының өнері, мәнерлеп оқу байқауларының   жеңімпаздарының     көркем шығармалардан үзінділерді мәнерлеп оқуы кештің сәнін келтірді. Кеш соңында директордың ғылыми ісі жөніндегі орынбасары Согосбай Амантай қорытынды сөз сөйлеп, қонаққа алғыс білдірді.