Жалпы білім беретін №77 мектеп-балабақша кешенінде 2019 жылдың 26 қазанында Қамқоршылар күніне арналған іс-шара "Жылы жүрек" тақырыбында аталып өтті. Аялы алақандарын созып, балаға деген мейірімділік пен жүрек жылуын сыйлаған бұл адамдар үлкен құрметке ие. Іс-шара барысында педагог-психолог Григоренко Дарья Алексеевна қамқоршылармен «Бақыттың формуласы - отбасы» тақырыбында тренинг өткізді. Бала тәрбиесіне байланысты жауапкершілікті алған ата-аналар, отбасындағы мейірімділік, сыйластық қарым-қатынастар, балалардың бойларындағы жақсы қасиеттері жайлы бөлісті. Мектеп әкімшілігі қамқоршыларды мерекелерімен құттықтап, осындай жауапты істі қолға алғандары үшін алғыс айтты. Кесдесу соңы мерекелік дастарханмен ұласты. Қамқоршылар мерекесі көңілді  және әсерлі өтті.