1-наурыз 2019 жылы ЖББ №77 МБК-де Азаматтық қорғаныс - «Балаларды қорғау күні» тақырыбында мектепішілік саптық жиыннан басталды. Мектеп директоры З.Р.Жантыбаева Азаматтық қорғаныс күнінің мақсаты мен міндеттері, маңыздылығы мен міндеттері, ерекшелігі жайлы ақпаратты баяндады. Оқу ісінің меңгерушісі А.Е.Окимбаева бұл күннің жұмыс жоспарымен таныстырды. Мектеп кітапханашысы А.Жолмағамбетова мектептің 1-ші қабатына Азаматтық қорғаныс күніне байланысты көрме ұйымдастырып, аталған шара жөнінде әдебиеттермен таныстырды.

6-сабақтарда барлық сыныптарда төтенше жағдайлар кезінде қорғану жағдаяттарына байланысты тәрбие сағаттары өткізілді. Сынып сағаттарында оқушылар төтенше жағдай кезіндегі іс-әрекеттер, алғашқы қорғау құралдары, өрт-су қауіпсіздігі және т.б қажетті ақпараттармен танысты. Атап айтсақ, 6 «Б», 7 «Б» кадет сыныптары арасында АӘД мұғалімі А.Б.Қоңтайдың ұйымдастыруымен «Төтенше жағдай кезінде қалай қорғанасың?» атты жарыс сабағы, 10 «А», «Ә» сыныбында мектеп медбикесі К.Каукарбекованың қатысуымен оқушыларға іс-тәжірибеде алғашқы көмек жасау құралдарын қолдану, дер кезінде көмек көрсету шаралары жайлы практикалық сабақ өткізілді. Сонымен қатар, 10 сынып оқушылары №17 өрт сөндіру бөліміне экскурсия жасап, төтенше жағдай кезіндегі сақтық шаралармен танысып қайтты.

7-8 сынып оқушылары «Жас құтқарушы» мектеп олимпиадасының сұрақтарына жауап беріп, азаматтық қорғаныс бойынша өз білімдерін шыңдады.

6-сабақ соңына таман мектептегі Алғашқы қорғаныс күніне арналған шара «Баршаның назарына» дабылымен оқушыларды сыртқа 497 оқушыны эвакуациялаумен аяқталды.