Жалпы білім беретін №77 мектеп-балабақша кешенінде 5-10 сынып оқушылары арасында Қарағанды қаласының 85 жылдық мерейтойына арналған ақпараттық-зерттеу, шығармашылық, әлеуметтік жобалар байқауы өтті. Оқушылар өздерінің шығармашылық жұмыстарында Қарағанды қаласындағы көше атаулары мен ескерткіштер тарихы, Қарағандылық ақын-жазушылар, өнер адамдары, облыстық қазақ драма театры, Г.Головкин атындағы спорт кешені жайлы зерттеу жұмыстарын көпшілік назарына ұсынды. Сонымен бірге көне Қарағанды мен қазіргі Қарағанды қаласының келбеті салыстырылып, қызықты деректер айтылды.

         Ал, 9-Б сынып оқушылары дайындаған «Өлеңмен  өрнектелген  өлкем» атты шығармашылық жобада Қарағанды жайлы поэзиялық шығармалар оқылып, туған өлкенің тарихы, сәулеті, қасиеті мен қадірі өлең жолдарымен сипатталды.