Жалпы білім беретін №77 мектеп-балабақша кешенінде 2019 жылдың 26 қаңтар күні «Эко-challenge» жобасы аясында «Таза үй, таза көше, таза қала!»

  «Өңдеу үшін тұрмыс қалдықтарын жинаймыз!» ұранымен іс-шаралар өтті.

Акцияның басталуына арналған  «Экология және Біз» атты мектепішілік лездемеде қатты тұрмыстық қалдықтар мен макулатура тапсыру шарасының қорытындысы шығарылды:

 I орынды 245 кг. макулатура тапсырған 8-Б кадет тәрбиеленушілері иеленіп, алған сыйлықтары-жемістер жинағын байқауда сәл ғана жеңіске жете алмай қалған 1-А сыныбындағы іні-қарындастарына тарту етті.

II орынды 8-А сыныбы; III орынды 10-В сынып ұжымы иеленді. Жеңімпаз сыныптар «ЭкоКомфорт» клинингтік компаниясы тарту еткен жемістер жинағымен  және мектеп директорының мадақтамасымен марапатталды.

Акцияға белсенді қатысқан барлық сыныптар мен ата-аналарға мектеп директорының  алғыс хаттары тапсырылды.

  Сонымен қатар 1-11 сыныптарда экология тақырыбына арналған сыныптан тыс іс-шаралар ұйымдастырылып, оқушылар  зор қызығушылықпен  қатысты.