Қазақстан Республикасының Президенті Н.Ә.Назарбаевтың биылғы жылғы   5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына арнаған Жолдауында сыбайлас жемқорлықпен белсенді күрес жалғаса беретінін айтқан болатын. Сондай-ақ, БҰҰ-ы «9 желтоқсан-сыбайлас жемқорлықпен күрес күні» деп жариялаған болатын. Осыған орай жалпы білім беретін №77 мектеп-балабақша кешенінде Халықаралық сыбайлас жемқорлықпен күрес күніне арналған тәрбие сағаттары 8-11 сыныптарда ұйымдастырылды.Тәрбие сағаттарында оқушылар сыбайлас жемқорлықтың елдің өркендеуіне тигізер зардаптары жайлы ой бөлісіп, «Жемқорлық картасын» жасап, жемқорлықпен күресу жолдарын талдады, викториналық сұрақтарға жауап берді. 11 сынып оқушылары сонымен бірге 1995 жылы Ұлыбританияда Нолан комиссиясы жемқорлықтың алдын алатын 7 қағиданы- Риясыздық. Сатылмастық.Әділдік. Есептілік. Ашықтық. Арды. Абыройды сақтаушылық. Басшылық қағидаларын талдады.Оқушылар «Сыбайлас жемқорлық ұғымы», «Пара беру-бұл қылмыс», «Сыбайлас жемқорлық зардаптары», «Сыбайлас жемқорлықты қалай жоюға болады?» тақырыптарында, жадынама құрастыруға байланысты топтық жұмыстарды орындады.