Біріккен Ұлттар Ұйымының аталған мерекені күнтізбеге енгізудегі басты мақсаты – қыздардың құқықтарын мойындау, әлемдегі барлық қыздар ұшырасатын ауыр мәселелерді шешуге көмек қолын созу болып табылады.
Жалпы білім беретін №77 мектеп-балабақша кешенінде  Халықаралық қыздар күніне арналған мектепішілік іс-шара өткізілді. 9-10 сыныптарда оқитын қыз балалар арасында өткен «Қыз өссе-елдің көркі» атты шараға оқушылар белсенділікпен қатысты. №4 емхана жанындағы «Салауатты өмір салты» орталығының  маманы Жанар Асанова  қыз балалар  ағзасының ерекшеліктері, функциясы, қыз балалар гигиенасы  жайлы қажетті ақпараттарды берді.Сонымен бірге сынып жетекшілері Көпбалина Ғ.С. мен Кенжина Қ.Ө. қоғамымыздағы қыз балалар, әйелдердің ролі, мемлекеттік гендерлік саясат жайлы мәліметтермен бөлісті. Мектеп психологы Иранова А.С. түрлі зорлық-зомбылықтан сақтануға байланысты, оның алдын алуға, өзін өзі қорғауға қатысты психологиялық тренингтер өткізді.