ЖББ №77 МБК-да 9 сынып оқушыларымен Еңбек күніне арналған «Сан мамандық түрі бар, таңдап, талғап бірін ал» тақырыбында дөңгелек үстел өтті. Бұл шараға мектебіміздің ардақты ұстазы, Қазақстанның және КСРО-ның үздік білім қызметкері, Қазақстанның еңбек сіңірген қайраткері Төлеген Жұмашұлы Арконов, мектептің кәмелетке толмағандар ісі жөніндегі учаскелік  инспекторы, полиция капитаны Бижанова Дария Жанатқызы, алғашқы әскери дайындық пәнінің мұғалімі Қонтай Айдос Бауыржанұлы, мектеп медбикесі Мукашева Гүлзира Орынбаевна және жас маман, математика пәнінің мұғалімі Мырзабек Дәурен Уәлиханұлы қатысты. Аталған мамандар оқушыларға мамандық таңдауда өз ақыл-кеңестерін беріп, өмірлік тәжірибелермен бөлісті. Оқушылар өздерін толғандырып жүрген сұрақтарын қойып, қазіргі кездегі жаңа мамандықтар, оларға қойылатын талаптар туралы мағлұматтар алды. Жүргізушілер тарапынан ұсынылған түрлі жағдаяттық оқиғалардан шығу жолы талқыланып,  кездесу өте тартымды өтті.