Қарағанды қаласының білім бөлімінің қолдауымен,  ЖББ №77 МБК–нің ұйымдастыруымен  «Құрмет» орденінің иегері, КСРО Мемлекеттік сыйлығының лауреаты, ҚР Педагогика ғылымдар академиясының академигі, Қазақстан Республикасының еңбек сіңірген мұғалімі Қ.О.Бітібаеваның құрметіне орай I аймақтық ғылыми-тәжірибелік конференциясы өтті. Мектеп директоры Жантыбаева З.Р. конференцияның мақсат, міндетімен таныстырып, конференцияға қатысушыларға сәттілік тіледі. ҚББ басшының м.а Кенешева Р.А. құттықтау сөз сөйлесе,  Өскемен қаласынан дарынды балаларға арналған облыстық Жамбыл атындағы мамандандырылған мектеп-гимназия –интернаты директорының инновациялық жұмыстары жөніндегі орынбасары Ауғанбаева Бақыткүл Омарғалиевна мен Бақытжан Омарғалиевна, Мейрамгүл Кенжеғалиевнаның қатысуымен Қ.Бітібаеваға арналған «Тілтаным» залының  ашылу салтанаты болды.   Пленарлық мәжілісте «Өрлеу БАҰО» АҚ филиалы ПҚ БАИ «Тұлғаны тәрбиелеу және әлеуметтендіру» кафедрасының аға оқытушысы Смағұлова Ғазиза Ғабдоллақызы, Болашақ академиясының доценті, ф.ғ.к., Нарманбеттанушы Бабашев Азат Мақсұтбекұлы, Қарағанды қаласының білім бөлімі әдіскері Жаркеева Г.Б. баяндама жасады.

     ЖББ №77 МБК, №68, №54, №36 ЖБОМ мұғалімдері Р.К.Тулешева, С.И.Абильгазин, З.З. Қасымжанова, Г.М.Қасым ұлағатты ұстаздың әдіс-тәсілдерін қолданып  ашық сабақтар өткізді. Үш бағытта секция жұмыстары өтті: «Қ.Бітібаева іс-тәжірибесі – инновациялық технологияның қайнары», «Жаңартылған білім мазмұны – болашақтың кепілі», «Әдебиет пәнінің негізі – көркем шығарманы оқыту» . Секция бағыттары бойынша  мұғалімдер баяндама жасап,  шеберлік сыныптар өткізді.

Конференция жоғарғы деңгейде өтті.