Наурыз көже– түркі халқына ортақ тағам. Ұлыстың ұлы күні міндетті түрде Наурыз көже дайыналады. Бұл молшылықтың, құт-берекенің жоралғысы саналады.
Дәстүрі бойынша Наурыз көже 7 түрлі астан дайындалады. Оған бидай, тары, сүр ет, бұршақ, сүт, су, тұз сияқты кем дегенде жеті түрлі азықтық заттар міндетті түрде қосылуы тиіс. Тақ санын сақтап, мұндай заттар көбейтіле беріледі. Соғымнан арнайы сақталған қазы, қарта, шұжық, т.б. қосылады. Ол негізінен бидай көже, тары көже секілді әзірленген . Наурыз көжені халық арасында “тілеу көже”, “көп көже” деп те атай береді. Наурыз көжеге, наурызға арналып сойылған малдың кәделі асына Наурыз бата берілген соң, жиналған халық: “ақ мол болсын” деген тілек айтып тарқасады