26 қыркүйек күні №13 ЖББОМ кітапханашысы Г.Біләлованың және сынып жетекші Г.Шалқарованың ұйымдастыруымен 5«ә» сынып оқушылары Ақан Сері Қорамсаұлының 175-жылдығына орай №12 қалалық балаларға қызмет көрсететін кітапхана-филиалында өткен «Ұлы дала жыршысы» атты портреттік  әңгіме іс-шарасына қатысты. 

      Шараның мақсаты: жас ұрпақтың рухани мәдениеттілігін  қалыптастыруға ықпал ету, қазақ халқының өнеріне құнды мұраларын қалдырған әйгілі ақын-жыршы Ақан серінің өмірбаянымен және шығармаларымен балларды таныстыру.

Шараны жүргізуші Қ.Игібаева Ақан серінің балалық шағынан басталған өнерге деген құштарлығы, зеректігі, домбырада ойнап, ән шырқағаны туралы әсерлі әңгімеледі. Шара барысында балалар «Ақан Серінің тапқыр сөздері» атты роликпен танысты және көпшілікке кең тараған әндерінің бейнебаяндарын тамашалады. Ақан Серінің қазақ еліне әйгілі болған тұлпар аты Құлагердің қазасы мен қасіреті жайлы айтылып, Ілияс Жансүгіровтің «Құлагер» поэмасынан үзінді оқылды, әні тыңдалды. Оқушылар әңгімеге белсене қатысып, сұрақтарға жауап берді. Шара соңында кітап көрмесіне шолу жасалды. Кітапханашылар кітапхана ішіне саяхат жүргізіп, балаларды тұрақты оқырман болуға шақырды.