Мақсаты: Оқушылaрға әр түрлі іс-әрекеттер мен ағымдарда өз орнын таба білуге, өзінің және басқаның құқығына нұқсан келтірмеуге бағыт-бағдар беру.

   Мектепте жалпыға құқықтық білім беру кеңесі құрылған. Кеңестің оқушылармен, ата-аналармен,  педагогтармен жүргізетін жалпыға құқықтық білім беру, полиция бөлімімен бірлесе атқаратын жұмыс жоспары құрылған.

     Жағдайсыз, көпбалалы, қамқорлыққа алынған балалар анықталып, олардың  жанұяларымен түрлі  шаралар  ұйымдастырылды.

     Сабақтан тыс уақытта оқушылардың үйірмелерге және спорттық секцияларға қатысы анықталып, kесте бойынша жоспарлы түрде өз жұмыстарын атқарып жатыр.

     Жалпыға құқықтық білім беру барысында 1-4 класс оқушыларына құқық туралы түсінік беру мақсатында «Конституция-кемелдік кепілі» тақырыбында  сабақ өткізілді. 5-11 кластарда «Құқықтық білім негіздері айлығы – Құқықтық оқулар өткізу» лекция, пікірталас өткізілді. 1-11 класс оқушыларымен «Кешен жарғысы – кешен өмірінің заңы. Оқушылардың өз міндеттері, құқықтарымен таныстыру атты пікір алмасу өткізілді. «Ер балалар тәртібі», ішкі істер бөлімі қызметкерлерін қатыстыра отырып жиналыс ұйымдастырылды.  Бұл шараларда оқушылар ережесі түсіндіріліп, өз әрекеттері мен қылықтары үшін жеке  жауапкершілікті ұғындару басты мақсат болды.

Педагогикалық ұжымның көмегімен шағын аудан бойынша балалар көп шоғырланған жерлерде рейдтер ұйымдастырылды.

Барлық кластар бойынша ата-аналар жиналыстары өткізіліп, онда «Ата-аналардың балаларға қатысты құқықтары мен міндеттері туралы» тақырыбында баяндамалар оқылды.

Оқушылар әр өткізген шарада өз ойларын тиімді жеткізіп, құқықтық сана-сезімнің қалыптасып келе жатқандығын көрсете біледі.