8 ақпан күні 8 «Ә» сынып оқушыларымен бірге Сара Алпысқызы Назарбаеваның туған күніне арналған «Жақсылықпен өзіңді өлше» тақырыбында сынып сағаты өткізілді. Сынып сағаты барысында оқушылар С.А.Назарбаеваның өміріне тоқталып, өзара талдау мен талқылау жасады, ерекше мәліметтермен, өз пікірлерімен бөлісті. Оқушылардың жүректеріндегі мейірімді арттыру мақсатында Қазақстанның бірінші ханымы, «Бөбек» балалар қайырымдылық қорының Президенті Сара Алпысқызы Назарбаеваның өмір жолы, жалпы адамзаттық рухани құндылықтарға бастайтын қайырымдылық іс-шаралары, еліміздегі адамгершілік-рухани білім берудің дамуына қосқан өлшеусіз үлесі, жер бетіндегі өмір сүрген барлық халықтардың арманы – өзара түсіністік пен сыйластықты сақтауы деген қағидасын түсіндіруге бағытталған сынып сағаты оқушылардың ойынан шықты. Балалардың «мейірімділік», «қайырымдылық» құндылықтары туралы түсініктері кеңейді.