«Отбасы –алтын діңгек» отбасы сайысы
19 наурыз күні Наурыз мерекесіне орай 1 сыныптарда Хамзина Ж.У., Данабекова Б.Б. ұйымдастыруымен «Отбасы – алтын діңгек»атты отбасы сайысы өтті. «Ұяда не көрсең, ұшқанда соны ілерсің» дегендей халқымыз отбасындағы тәрбиеге ерекше көңіл бөлген. Сайысты ұйымдастырудағы мақсат: халқымыздың ұлттық педагогикасын оқу – тәрбиеде қолдану, ата-ана, оқушы, ұстаз ұжымын ынтымақтастыру. Ұлттық салт-дәстүрге негізделген 5 кезеңнен тұратын сайыста әр отбасы ерекше дайындықпен келген. Керемет өнер көрсеткен отбасылар арасынан ең мықтысын таңдап алу әділ қазыларға оңай тимеді. Сарқытбай отбасы «Өнерлі отбасы», Қанатбай отбасы «Мейірімді отбасы», Мейрамовтар отбасы «Үлгілі отбасы», Құрманбаевтар отбасы «Білімді отбасы» номинацияларымен марапатталды. Оқушылар ән айтып, би билеп, ұлттық ойындар ойнады.Тәрбиелік мәні зор, ерекше тартымды, әсерлі сайыс болды.
Байланыс телефондары
