Рухани құндылықтарды оқушылар бойында тәрбиелеудің бір көрінісі ретінде біздің №53 мектеп - лицейдің оқушылары бүгін 1 қазан - Қарттар күнінде Қарттар үйіне қайырымдылық акциясымен келіп отыр. Бұл шараның басты құндылығы адамға, қарттарға деген сүйіспеншілік. Олардың сұр да сызды өмірлеріне қуаныш әкелу, көңілдерін көтеру, себебі «сүйіспеншілік» атты адамгершілік құндылықтың аясы кең: ол - қайырымдылық, ол - аяушылық, ол - шыншылдық, ол - пайда көздемейтін қызмет, біреудің мұң - зарын түсіне білу, ол- қолы ашықтық. Міне, бүгін біздің оқушыларымыз шын көңілден қарттарға арнап концерт көрсетіп, өз қолдарымен жасаған бұйымдарын сыйға тартты, өздері даярлаған тәтті тағамдардан ауыз тигізді. Олар қарттарға өздерінің сүйіспеншілігін әнмен, бимен, күймен, өз өнерлерімен жеткізді. Шара соңында қарттар оқушыларға өз алғыстарын білдірді. Осындай кездесуді қарттар да, балалар да асыға күтеді деп ойлаймын.
Байланыс телефондары
