Еліміздің барлық білім ұйымдарындағыдай ЖОББ №53 мектеп-лицейде де 1-қыркүйек – БІЛІМ күнінде «Сыңғырла, күміс қоңырау» атты салтанатты жиын өтті. Онда «Мәңгілік Ел» идеясының Қазақстандық патриоттық пен азаматтық қағидаттарын оқыту үдерісіне енгізу мақсаты көзделді. Бірінші ауысымда алғашқы қоңырауды 1-сыныпқа келген бүлдіршін соқса, екінші ауысымда футбол кортында ішкі шеңберде айнала тұрған 2-8 сыныптардың үздік оқушылары соқты. Жиын барысында да, алғашқы сабақта да оқушыларға Тәуелсіздік, Отанға адалдық, борыш пен ар, парасаттылық, ел игілігі жолындағы жасампаздық сияқты жоғары құндылықтар жайы мазмұнды әңгімеленді.