Өткен 2014-2015 оқу жылында №53 мектеп-лицейдің роботтық техника саласында түрлі деңгейде қатысқан жоба қорғау сайыстарынан жүлделі оралғаны баршаға аян. Оқушыларымыздың осы еңбектері ескеріліп, биылғы тамыз кеңесінде Қарағанды қалалық әкімдігі мен қалалық білім бөлімі мектебімізге робот техникасы кабинетін сыйға тартты. Бұл - мектеп ұжымы үшін теңдессіз сый. Әрине, бұл қадамды мектебімізге білдірілген зор сенім деп қабылдаймыз. Мектеп ұжымы сол сенімді ақтау жолында қажымай-талмай еңбектенуді өзінің басты міндеті деп біледі.