2015 жылдың 5 маусымы күні ЖОББ№53 МЛ жанындағы «Қуаныш» лагері №61, 73, 76, 95 ОМ жанындағы лагерлерден 135 оқушыны қонақ ретінде қарсы алды. Үлкендер де, балалар да «Қауіпсіз жаз» тақырыбында тамаша сұхбаттасты. Шара жиын залында мультфильмдер көруден басталды. Одан соң мектеп ауласындағы футбол кортындағы көңілді әуенмен сергіту жаттығулары, Қауіпсіздік техникасы бойынша өткен викторинаға ұласты. Облыстық құтқарушылар командасынан шараға қатысқан тәжірибелі ағайлар балаларға құтқару кезіндегі алғашқы жәрдем қалай жасалатынын көрсетті. Балалар ағайларына көптеген сұрақтар қойды. Соңында Н.Самохинаның «Қауіпсіз жаз» атты өлеңі оқылды. Барлық балалар үшін бұл күннің қауіпсіздік жағынан берер тәлімі мол болды.
Байланыс телефондары
