ЖОББ №53 мектеп-лицейінің бірнеше мұғалімі Республика бойынша «Рухани-адамгершілік білім» бағдарламасы бойынша пилоттық жобаға қатысушы ретінде 2015 жылдың 21 мамыры күні ашық сабақтар берді. Сабақтарға ««Өрлеу» ұлттық кәсіби біліктілік көтеру» АҚ-ы филиалының оқытушылары Д.Б.Амантаева мен Ж.Е.Кантарбаева бастаған курс тыңдаушылары қатысты. Курс тыңдаушылары үшін бұл практикалық сабақ болса, №53 мектеп-лицей мұғалімдері үшін пилоттық жоба жұмысының есебі іспетті болды. 8 «А» сыныбындағы физика пәнінен өткен «Жарықтың қасиеттерін қайталау» сабағында (мұғалім: Р.Ә.Темірғалы) жарық қасиеттерінің адамның рухани-адамгершілік болмысы қасиеттеріне ұқсастықтары, өмірмен байланысы өте жақсы көрініс тапты. 2 «А» сыныбындағы ана тілі пәнінен өткен (мұғалім: Д.Б.Окетаева) «Ешкі мен қойдың айтысы» тақырыбында жалпыадамзаттық құндылықтардың маңызы жақсы ашылды. Г.С.Мукушева, С.А.Воронина, Л.С.Салиева және Л.В.Илющенколардың сабақтары да жоғары деңгейде өтті.