Рухани-адамгершілік білім бағдарламасын ендіру бойынша пилоттық жобаға қатысушы ЖОББ №53 мектеп-лицейінде «Рухани құндылықтар – өмір негізі» атты апталық өтуде. Қызықты шаралардың бірі - мамырдың 12-сі күні өткен математика пәні мұғалімі Б.Д.Отыншина ұйымдастырған «Математика әлемінде» атты сыныптан тыс жұмыс. Оған 5А сынып оқушылары қатысты. Сайыс түріндегі шара барысында шаттық шеңбері арқылы жағымды ахуал қалыптастыру, математикалық жолмен есептің, сұрақтың шешімін іздеуде жалпыадамзаттық 5 құндылықтың маңызын айту, сезіну орын алды. Тіпті, оқушылардың кейбір сәуле, кесінді, түзу, шеңбер сынды фигуралардың өмірдегі заттар мен құбылыстарға ұқсастығын тауып, қасиеттері жағынан да дөп келетінін айтқан кездері болды. Мәселен, сәуленің Күн нұрына ұқсап, бір нүктеден басталып, тоқтаусыз бағытталатыны, түзудің қасиеттерінің«түзу адам», «түзу іс», «түзу жүр» деген сөздердегі мағынамен сәйкестігі аталды. Әрі танымды, әрі тартымды өткен сыныптан тыс сағаттың өскелең ұрпаққа берері мол екеніне сенімдіміз.