Қазіргі жаһандану заманында белсенді, құзыретті, бәсекеге қабілетті жас ұрпақты тәрбиелеу – алға қойған басты мақсаттарымыздың бірі болып табылады. Бұл мақсатты жүзеге асыру әсіресе оқу, білім саласында қызмет атқаратын жандар – ұстаздар үшін ең маңызды мәселе . Қазіргі замандағы өмір ағымы мұғалімдерден жаңаша ойлап, шығармашылықпен жұмыс істей білуді, көп ізденуді талап етеді. «Сабақ – мұғалімнің педагогикалық мәдениетінің айнасы» - деп, педагог – ғалым    А. Сухомлинский айтқандай танымдық, дамытушылық және тәрбиелік мақсаты дұрыс қойылып, мұғалім – оқушы арасында оңтайлы психологиялық қарым – қатынас негізінде құрылған сабақ арқылы әр ұстаз өз тәжірибесін кемелдендіре алады. Әр сабақта жеке оқушыны қоғамның ең негізгі құндылығы ретінде танып, оның рухани жан дүниесінің баюына, шығармашылық өркендеуіне мүмкіндік беру кез келген сабақтың басты мақсаты деп тану керек.       Химия пәні жаратылыстану ғылымдарының ішіндегі ең қызықтысы да қиыны. Соған қарамастан ғылым мен техниканың дамыған заманында өмір сүрген жеткіншектер зор ынта мен қызығушылық танытса, химия өзінің шыңына жетеді.       Өз тәжірибемде оқыту үрдісінде интерактивті тақтаны кеңінен қолданамын. Мұнда оқушылармен қарым – қатынас, тәжірибені демонстрациялау , оқушының ой – тұжырымын ауызша баяндау тағы басқа әдіс – тәсілдер кіріктіріліп, біртұтас жүйе ретінде жүзеге асады.Оқушының ойлау, сөйлеу, бақылау, баяндау, есте сақтау, қайта жаңғырту сияқты ой операциялары әр сабақта дамытылып, тиімді жолдармен жаттықтырылып отырады.

      Елбасымыз: «Тәуелсіз еліміздің болашағы жас ұрпақтың қолында, ал жас ұрпақтың болашағы ұстаздардың қолында» дегендей, әрбір ұстаз келешекте өз бетінше өмір сүре алатын білімді де , шығармашыл жастардың қабілетін, дарынын оята білу керек деп ойлаймын. Оқушы білімін тиянақты қалыптастыруда мұғалімнің жауапкершілігі өте жоғары, әрбір ұстаз іздемпаздықпен оқытудың тиімді әдіс – тәсілдерін өз тәжірибесінде қолдануы тиіс. Бүгінгі ұстаз білім тасымалдаушы емес, ол білім алуды ұйымдастырушы  - деп, қазіргі таңда ең қажетті қасиет осы дер едім.

                                                           №53 орта мектеп-лицейі                                                                                                                                    

                                                          Химия пәні мұғалімі: А.Құлмырзаева