№53 мектеп-лицейінде 2015 жылдың 6 ақпаны күні «Қазақстан халқы Ассамблеясы жасасын!» атты шаттық шеңбері түріндегі жалпымектептік оқушылар жиыны өтті. Жиын мазмұны мен мағынасы жағынан ұжымда өте жоғары бағаланды. Ішкі шеңберде Қазақстан Республикасы аумағында тұратын ұлттар мен ұлыстарды бейнелеген костюмдер киген оқушылар тұрды. Қазақ және орыс тілдеріндегі ән, украин, грузин, өзбек билері, қобызда орындалған поппури, «Әлемге мейірім сыйла» хоры, «Томпақтар» КТК командасының флэш-мобы – бәрі-бәрі оқушыларды оң әсерге бөледі. Жиын өткен залда төбеге орнатылған шаңырақ аясына жиналған оқушылар мен ұстаздар шаттық шеңберіне тән әрекет – бір-біріне үнсіз игі тілектер тіледі. Бұдан соң мереке әр сыныптағы ҚХА тақырыбындағы тәрбие сағаттарына ұласты.
2-3 сыныптар арасында отбасылық «Толағай» спорттық ойындар сайысы, 4-8 сыныптарда «Достық фестивалі» деген жалпы атаумен әңгіме, концерт, т.б. формада тәрбие сағаттары, 9-11 сыныптардың қазақ бөлімдерінде «Ұлттар достығы – тәуелсіздік негізі» атты фестиваль, ал орыс бөлімінде «ҚХА – достық пен толеранттылықтың бірегей институты» тақырыбындағы конференция өте мазмұнды болды.
Сонымен қатар, осы мерекеден бір күн бұрын ҚББ қалалық пәндік олимпиадада үздік нәтиже көрсеткен қала оқушыларын марапаттау рәсімін өткен болатын. Аталған додаға мектебімізден қатысқан оқушылардың 12-сі жүлдегер атанды. Республикалық пәндік олимпиаданың қалалық деңгейінде жүлделі (І, ІІ, ІІІ) орындарға ие болған 12 оқушының дипломдары мен мадақтамалары да осы жиын үстінде табыс етілді,ҚҰТТЫҚТАЙМЫЗ!!!
Байланыс телефондары
