Тақырыбы:Ойыншықтар

Мақсаты: оқушылардың сөздік қорын ойыншықтар атауымен байыту.

Жалпы, ашық сабақ барысында өткен сабақ («Сүйікті іс») пысықталып, грамматиканы да қайталап өттік. Жаңа сабағымыз ойыншықтарға қатысты болғандықтан, сынып шарлармен және ойыншықтармен безендірілді. Түрлі түсті слайдтар да балалардың қызығушылығын арттыра түсті. Жаңа сабақта оқу, аудару, сөздерді тәуелдеу, көптік жалғауларын дұрыс қою, сөзжұмбақ шешу, түсіп қалған әріптерді орнына қою, сурет бойынша әңгіме құрастыру деген сияқты түрлі қызықты тапсырмалар орындалды. Сондай-ақ оқушылар өздері ұнататын ойыншықтары туралы үйден жаттап келген тақпақтарын да, ермексаздан жасаған ойыншықтарын да ұсынып жатты.

Қатысушы ұстаздар өздерінің оңды пікірлерін айтып, өз тілектерін де білдіріп жатты.