ЖОББ №53 МЛ оқушылары Тәуелсіздік мерекесі қарсаңында түрлі сайыстардан жүлдегер болды. Атап айтқанда, балалар арасындағы  классикалық және эстрадалық биден Қарағанды облыстық спорттық би Федерациясы өткізген VII Республикалық фестивальде І орын иеленген оқушымыз Қияш Ажар мен Алматы қаласында Қазақстан кубогі үшін өткен «Belly Dance» сайысында ІІ орын иеленген Задорожнева Анастасия, жеңіл атлетикадан өткен облыстық матчта ІІ орын иеленген Кошанова Томирис, қазақша күрестен қала Біріншілігінде ІІІ орын иеленіп, қола медаль алған Қуат Рүстем өз жеңістерін Тәуелсіздік мерекесіне арнайды.

     Сонымен қатар, Сәкен Сейфуллиннің туғанына 120 жыл толуына орай өткен қалалық «Сәкен – біздің ұлттық мақтанышымыз» атты 9-сынып оқушылары арасындағы конференцияға қатысқан Амангелдинова Айна Сертификат иеленіп, мақаласы жинаққа шықты. Қарағанды қаласында 2014 жылдың 12 желтоқсаны күні өткен халықаралық деңгейдегі «Мектеп. Отбасы. Мемлекет» ғылыми-тәжірибелік конференция жинағына мақалалары енген сынып жетекшілері А.Б.Каржасбекова мен А.С.Тұрлыбековаға мектеп ұжымы бұдан да биік табыстар тілейді.

    Сондай-ақ, мектептегі салтанатты жиында Тәуелсіздік күніне орайластырып, үздік оқушыларды Республикалық бірыңғай «Жас Ұлан» балалар мен жасөспірімдер ұйымына қабылдау рәсімі өткізілді.