2014 жылғы 27қыркүйекте № 53 жалпы білім беретін орта мектеп-лицейде тілдер мерекесіне орай «Тілі басқа – тілегі бір, жүзі басқа – жүрегі бір» атты тақырыпта кеш өткізілді. Кешіміздің мақсаты: оқушыларға өз тіліміздің құдіретін, ұлтымыздың мақтанышы, айбаты екенін ұғындыру, тілді ұлттық рухани мұра ретінде қадірлеуге, сондай-ақ өзге тілдің бәрін білуге үйрету болатын.

Кешіміз М.Әкімхановтың «Қуатым – ана тілім» атты өлеңімен (8 «а» Индира, Шеризат, Назерке, Ақниет, Алина) ашылып, 8 «а» сынып (Тұрсын Айгерім, Нұрлан Камила) оқушыларының жүргізушілігімен өз жалғасын тапты. Кеш барысында еліміздің тірегіне айналған «Тіл туралы Заңның» тарихына да тоқтала кеттік. 6 «а» сынып оқушысы Диастың орындауында «Қанатталды бастау» әні орындалды. 6 «а», 8 «в» сынып оқушылары Өзіаман Ақниет пен Жұлдызбаева Карина ана тілінде өлең оқыды. Тілдер күніне арналған шарамыз үш тілде болғандықтан, Батырбекова Назерке мен Мұқашева Ақеркенің орындауында ағылшын тілінде «Shower» және 10 «Б» сынып оқушыларының орындауында «We will rock you»әні шырқалды.  Табылғанова Меруерт Әлімханқызының жетекшілігімен 5 «б» сынып оқушыларының  Жиренше шешеннің «Дүниеде не өлмейді?», «Дүниеде не тәтті?» көріністері тамашаланды. Сондай-ақ, тілге байланысты әр түрлі сыныпттардан бір топ оқушылардың қатысуымен үш тілде мақал-мәтелдер айтылды. 8 «б» сынып оқушысы Ившина Надежданың орындауында «Көзімнің қарасы» әні шырқалды.

Жалпы, кеш оқушылар мен мұғалімдердің қатысуымен қызықты да, әсерлі өтті. Кештің соңында «Тіліміздің атынан жаңа ұрпаққа жолданған хат» оқылды.

Іс-шараға жауаптылар: қазақ тілі мен әдебиетінің мұғалімдері Уәлибекова Қарақат Бексейітқызы және Тұралықова Әсемгүл Теңдікқызы