№53 ЖББОМЛ КММ-де 2014 жылдың 7 қыркүйегі күні  «Белсенді ұзақ жаспен ғасырды адақтаймыз !» ұранымен «Денсауық фестивалі - 2014» болып өтті. Фестиваль мектептің барлық ұстаздары мен оқушылары қатысқан жалпымектептік сергіту жаттығуларымен басталды. Мектептің спорт алаңында барша мектеп ұжымы көңілді әуен сазымен денені сергіту жаттығуларын орындады. Одан кейін бастауыш сыныптарында «Көңілді старттар» ойыны, орта буынның ұлдары арасында футбол ойыны, қыздардың спорттық биі, жоғары сынып оқушыларының баскетбол ойындарына ұласты. Жүгіру жарысына қатысқандар денсауық фестивалінің көрігін қыздыра түсті.

   №53 ЖББОМЛ КММ жаңа 2014-2015 оқу жылын осылайша өте сергек, тың серпінмен бастады деу орынды. Дана халқымыз «Дені саудың – жаны сау» деген. Ендеше, жаңа оқу жылында мектеп ұстаздары дені де, жаны да сау ұрпақтың білім белестерінің шыңына қарышты қадам жасауына себепкер болатынына сенім мол.