Мектепте оқуды бастау – балалар өміріндегі әлеуметтік - психологиялық жағынан да, физиологиялық жағынан да ең күрделі және жауапты сәттердің бірі. Оның негізгі талаптарын үйренуге байланысты мектепке бейімделу кезеңі барлық бірінші сынып оқушыларында бар. Баланың барлық өмірі өзгереді: ол оқуға, мектеп істері мен қамқорлыққа бағынады. Бұл өте қауырт кезең, себебі мектеп бірінші күннен бастап - ақ оқушылар алдына олардың тәжірибесімен тікелей байланыссыз көптеген міндеттер қояды,  зияткерлік және физикалық күш салуын талап етеді.

     Баланың мектепке бейімделуінің табыстылығы және ашықтығы жүйелі оқуды бастауға әлеуметтік - психологиялық және физиологиялық дайындығымен байланысты. Көптеген балаларда бейімделу кезеңі өте ұзаққа созылатыны байқалады. Балалар оқу, мұғаліммен, балалармен қарым - қатынас жағдайын қабылдай алмайды. Оқушының жаңа мәртебесін игеру бірінші жартыжылдықтың аяғына дейін созылады.

     Мұғалім өз тәрбиеленушілерімен алдын ала танысуы,  олардың мотивациясын, мектепке дайындық деңгейін, атап айтқанда  математикалық қабілеттерін, логикалық ойлауын, назарын, еске сақтауын, қол бұлшық еттерінің тездігін, тапсырманы көшіре алатындығын, іждағаттылығын, баланың ұжымды қабылдауға дайындығын білуі керек.  Бұл әсіресе балабақшаға бармаған балалар үшін маңызды.

     Сондықтан болашақ бірінші сынып оқушыларын дайындау үшін ерекше оқу кешенін жасау қажеттігі туындады. Мектеп қабырғасында дайындық сабақтарың  мағнасы өте маңызды:

·         алты жастағылар үшін – баланың мектепке тез бейімделуі;

·         мұғалім үшін – әрбір баланың жеке даму траекториясын дұрыс құру мүмкіндігі;

·         ата - аналар үшін – баланың мектепке дайындық деңгейі туралы құзырлы нұсқаулықтар алу мүмкіндігі.

Баланың мектепке бейімделуі – бала өміріндегі ерекше және күрделі кезең: ол оқушының жаңа әлеуметік мәртебесін, әрекеттің жаңа түрі –оқуды игереді, әлеуметтік қоршауы өзгереді – сыныптастар, мұғалімдер және үлкен әлеуметтік топ ретінде мектеп пайда болады,  оған оқушы келеді, оның өмірінің салты өзгереді.

     Мектепте оқуды бастау балада мектептік есеюдің барлығын меңзейді, атап айтқанда ол белгілі бір физикалық және зияткерлік даму,  сондай - ақ әлеуметтік бейімделу деңгейіне жетуі керек, бұл оған дәстүрлі мектептік талаптарға сәйкес болуға көмектеседі.

     «Болашақ бірінші сынып оқушысы мектебі» курсы бейімделу кезеңін оқу үдерісі басталғанға дейін өтуге көмектеседі.

     Сабақтарды мұғалім мен психолог өткізеді. Сабақтардың мазмұны  дамытушылық сипатта болады және мектеп туралы және ондағы оқушының рөлі туралы нақты түсінікті қалыптастыруға бағытталған. Бұл бағдарлама мектеп жасына дейінгілерге оқу білім, білік, дағдыларын игеріп қана қоюға  емес, сондай - ақ оларды болашақ мектеп өміріне дайындауға көмектседі. Сабақтар ойын түрінде өтеді және дидактикалық, түзетушілік және терапевтік  міндеттерді шешеді, қиялдау, ойлау, сөйлеуді дамытады. Мұғалім өз кезегінде баланың жеке дамуын олардың ата - аналарымен байланысу арқылы бақылайды, әрбір бала және оның отбасы туралы бай ақпарат жинайды. Мұның барлығы оған оқу жылының басталуына дайындалуға көмектеседі.