30.04.2014 жылы Қарағанды қаласының білім бөлімінің кезекті жоспары бойынша №53 ЖББО мектеп-лицейінде Өзін-өзі тану мұғалімдері үшін «Өзін-өзі тану пәнінің басқа оқу пәндерімен кіріктіру» тақырыбында  қалалық семинар болып өтті. Семинар жасалған бағдарлама бойынша жүргізілді. Құттықтау сөз мектеп директоры – Қазтаев Р.Қ. берілді. Қалалық білім бөлімінің әдіскері-Хасенова Г.Т сөз алды. «Өзін-өзі тану кафедрасының іс-тәжірибелері. Пәндердің кіріктіру құрылымдары жайында» - өзін-өзі тану пәнінің мұғалімі Воронина С. А. және «өзін-өзі тану» кафедрасының жетекшісі Мұқышева Г.С. тоқталып слайд- баяндама жасады. Өзін-өзі тану пәнінің сыныптан тыс іс шаралармен кіріктіру мақсатында  «Неге өмір сүріп жатырмын» философиялық пікір-талас көрсетілді. «Adobe Photoshop-та қабаттарымен жұмыс істеу» тақырыбында 7 «А» сыныбында өзін-өзі тану пәнін ИЭТ мен кіріктіру ашық сабағын Түсіпбаев А.Т., «Мұғалім ол біздің» тақырыбында 6 «Б» орыс сыныбында өзін-өзі тану пәнін қазақ тілімен кіріктіру ашық сабағын Акимжанова Д.Р., «Достық хороводы» тақырыбында 2 «Б» сыныбында өзін-өзі тану пәнін сурет сабағымен кіріктіру ашық сабағын Захарова Е.С., «Қорықтар, ұлттық бақтар және табиғат ескерткіштері» тақырыбында 5 «Б» сыныбында өзін-өзі тану пәнін жаратылыстану пәнімен кіріктіру ашық сабағын Гауф Е.М. өткізді. Семинар соңында рефлекция парақтары таратылып, қатысушылар ашық сабақтар  туралы өз пікірлерін білдіріп «Өте жоғары деңгейде» өтті деген баға берді.