… Біздің Қазақстан жеріне көктем мерекесі - наурыз келді!  Мектептің бірінші қабатында  мерекелік газет пен  «Гүлді көктем Наурыз» атты балалар суретінің көрмесі орналасты. Кітапханада  «Қош келдің, мерейлі Наурыз!» атты кітап көрмесі ашылды.   

19 наурыз біздің мектепте «Сәлем саған, Наурыз» атты жалпымектептік шаттық шеңберін өткізуден басталды: көп шаттық, қуаныш, ән мен билер, қонақтар. Әжелер мен аталар, әкелер мен аналар балаларымен және немерелерімен, мектеп мұғалімдерімен  осы керемет мерекені қарсы алды.

         Барлығы барлық дәстүр бойынша алдын ала дайын болды: барлығымыздың сүйікті үйіміз – мектеп пен оның ауласын – тәртіпке келтірдік және көктемге сай ресімдедік, жерге гүлдердің тұқымын отырғыздық,  Наурызкөже дайындадық және оны тоя жедік. Барлық келесі жыл жемісті болуы үшін үлкендерден бата алдық.

         Әрбір сынып қазақ дәстүрлері стилінде ерекше ресімделді.  4А, 3А, 3Б, 3Ә, 7Б, 1Б сыныптарда қонақтарды қарсы алу ең қызықты және әсерлі болды.

10Б сынып оқушылары барлық қонақтар үшін балмұздақ мейрамханасын ашты, ондағы көктемгі ас мәзірінің сан алуандығы  барлығын таң қалдырды: жеміс, шоколад, жаңғақ және шығыс тәттілері қосылған балмұздақтар көзді ашып жұмғанша сатылып кетті.

 10 Б сынып оқушылары ашқан «Рахат» мейрамханасы барлық қонақтар мен мерекеге қатысушыларды қарсы алды.  

 9.30 ашылған «Рухани жасарған, Әз Наурыз жасанған»  атты мерекелік жәрмеңке - сату күні бойы жұмыс істеді. Сатуға ұлттық тағамдар мен тәтті нандар, «Күн мен түн теңелген, Жер шуаққа кенелген, Наурыз келді әлемге!» атты оқушылар, ата – аналар мен мұғалімдердің  қолымен жасалған сәндік - қолөнер заттары  қойылды. 

«Табиғатқа - тірлік, елге – бірлік сыйлаған - Наурыз» фестивалімен қатар жиын залында қазақ тілі мен әдебиеті пәні мұғалімі Мукажанова Кунзипа Абушаевнаның ұйымдастыруымен «Жігіттің сұлтаны» байқауы өтті, 10 Б сынып оқушысы  Алибеков Улугбек оның жеңімпазы атанды.

Мерекелік шаралар 21 наурызда Жаңа Майқұдық  мәдениет паркінде жалғасты.  № 76 және  № 34 мектептермен бірлесіп киіз үй құрдық, онда қонақтарды қабылдадық: оларға дәл осы жерде отта пісірілген ыстық бауырсақтан дәм татырдық.   № 34 мектептегі әріптестерімізге барлық қонақтарды жомарт дәм татырған нағыз, дәмді өзбек палауы үшін рахмет айтамыз!