№53 мектеп-лицейінде 2 «ә» сыныбында                                            «Ана - өмірдің шуағы» атты ашық тәрбие сағаты өткізілді.

Сабақты өткізудіңмақсаты: 8-наурыз Халықаралық әйелдер мерекесін атап өту.Анаға деген мейірімді, сүйіспеншілікті арттыру, үлкенге ізет, кішіге үлгі бола білуге үйрету.Оқушы бойында ізгілік, инабатгылық,биязылық сияқты қазақ  қызына тән жақсы қасиеттерді қалыптастыруға тәрбиелеу.

-Қымбатты аналар, арулар! Көңілдеріңізге көктем шуағындай сезім мен нұр құйып, тағы да 8 - наурыз халықаралық әйелдер күні келді. Осынау көркем мерекенің қай кезде де орны бөлек. Олай болатыны, аналарға деген ыстық сезім, алғыс пен құрмет ешқашан сөнбек емес.  Олар - өмірдің гүлі, көңілдің жыры, әр отбасының алтын діңгегі. Мынау тынымсыз тіршілік пен кең дүниенің өзі тек аналармен ажарлы. Бүгінгі арайлап атқан нұрлы таңмен бірге әрбір сәби жүрегі өзің деп соқса, бүгінгі мерекелік кешіміз де аналарға арналады.
Сіздерден өскен балалар,
Батырлар мен даналар.
Құттықтаймыз мейраммен,
Құрметті абзал аналар-дей келе  аналарға ашықхаттарын тапсырады.

Осылайша басталған мерекеміз балалардың орындауындағы «Ай дидарлы анашым», «Ақ мамам», «Әжем айтқан ертегі» әндері, Арайлым мен Анельдің  «Көктем вальсі», топ болып орындаған белорус билеріне жалғасты.

-Біз бүгін аяулы да, ардақты аналарымызды немен қуантсақ екен?  Аналарға арналған әзіл викторина, «Аялы алақан», «Қадым сайын тілек» ойындары аналар көңілінен шықты.

Мереке соңында құттықтау тілектер айтылып, аналар тілек бұрышынан балалардың  жылы лебіздерімен танысты.Қыздарымызға арналған сыйлықтарын табысталды.