2013 жылғы 13 желтоқсанда №53 ЖББ орта мектеп-лицейде  Қазақстан Республикасының Тәуелсіздігі күні қарсаңында орыс тілінде оқытылатын 11- сынып оқушылары қазақ тілі мен әдебиеті мұғалімі Мукажанова К.А. жетекшілігімен «Ар – намысым, қасіретім, мақтанышым - Желтоқсан» атты әдеби - музыкалық ауызша журнал өткізді. Шараның дәйексөзі болып М.Шахановтың сөзі алынды: "... дара отау көтерген мемлекеттердің бәрі де саналарында тәуелсіздік рухын оятқаны үшін Желтоқсан көтерілісіне борыштар ..."

Шараның мақсаты: желтоқсан оқиғасы тарихымен, еліміздің тәуелсіздік алғаннан кейін жеткен ерен жетістіктерімен таныстыру болды.

Шара оқушылардың «Атамекен» әнін хормен орындауымен ашылып, 11- сынып оқушысы Жарылғапов Тимурдың «Мен қазақпын» тақпағын мәнерлеп оқуымен жалғасын тапты. Шара барысында көптеген тақпақтар мәнерлеп оқылды, тарихи деректер берілді. Қатысқан орыс тілінде оқытылатын сыныптар болғанмен, шара таза қазақ тілінде өткізілді. Бұл - тілге, елге деген құрмет белгісі - деп білеміз.

Шара барысында сонау дүниені дүр сілкіндірген, тарихымызда алтын әріптермен жазылып қалған желтоқсан оқиғасынан шағын көріністер көрсетілді.

Шара туралы «Индустриальная Караганда» газетінде «Урок за рамками учебника» атты мақала шықты.